WIT

Wit is die water

en blind is die maan,

en bly is die paar

wat gearmd daar gaan.

Versilwerde bome

ruis in die laan

Wit is die water

En blond is die maan.

.

Wit is die water

en bleek is die maan

Wie is dit wat daar so

geruisloos gaan?

‘n Huiwering trek

deur die bome in die laan;

Wit is die water

en bleek is die maan.

ID DU PLESSIS

.

Vir my vriende is dit algemene kennis dat ek dolverlief is op die kleur WIT.  Die boeke dink nie dat wit ‘n kleur is nie – vir my is dit erg beeldskoon.

 

 

 Lig en skaduwee

 Hierdie vrouefiguur verlig en hou wag oor my Ou Meesters afdrukke.

Beeldhouwerk deur Winnifred Louw

Portretstudie deur Iwan Labuschagne saam met my witgoed

Wit Peonies O wit peonies!!!  Kan nie wag vir die mooie Oktober om vinnig te kom nie – hierdie spesiale blomme blom net vir sowat 4 weke – middel Oktober tot 2 weke in November

Lig  .  kristal  .  glas  .  refleksie  .  wit

Wit  .  Wit  .  Wit  .

My pa het altyd iets opgetel of raakgesien en daarmee by die huis aangekom, tot my ma se groot verdriet.  Ek dink ek het sy gene – het tak langs straat opgetel!

 Skildery van Jana in W I T

Mia en Jana se refleksie in spieel   –  skildery deur Jeanne Hendriks

Hulle deel ook hul ma se liefde vir W I T – altwee se kamers is S P I E R W I T!

.

.

.

Simboliek van W I T

In Chinese en Indiese tradisie is wit die kleur van rou en dood

Wit is die tradisionele kleur van die bruidsrok in beide Westerse en Japannese troues

‘n Wit lint word deur bewegings gedra wat teen geweld teenoor vroue betoog.

Om “die wit veer te wys” is om lafhartigheid te toon.

‘n Wit vlag is ‘n internasionale teken van of  ‘n oorgawe, of ‘n wapenstilstand.

V R E D E

.     .     .     .